قعدوا يقولوللنا حولوا بيتا حولوا بيتا..والناس البدائيين زي حالتي قعدوا يغروهم ان بيتا استعمالها سهل ومن غير html
ولا أي حاجة من الحاجات السوبر اللي مبفهماهاش دي
وحولنا لبيتا وكان اللي كان..
وكان أول لقاء لينا مع أنكل بيتا في تلك المونة الجديدة..
وأحكم أنكل بيتا الخدعة..أول بوستين نزلوا بسلاسة تامة، لغاية ما الواحد استقر هنا ورستق حاله ، وبدأت الحرب.
اجي أرد فيمدونات أي حد ، أو حتى أرد على الناس في مدونتي ميرضاش يعمل ساين ان
علشان أنزل بوست جديد أقعد كام يوم على ما تفتح معايا ..وأكون نسيت كنت عايزة أكتب ايه أو الموضوع اللي عايزة اكتب عنه انتهى..
وكله كوم والصور كوم..
يفضل يقولي
Your image is being uploaded
لكن هيهات..لا بتأبلود ولا حاجة..
ولأني متفائلة ومبتعلمش من أخطائي ، قال ايه قمت أعمل بلوج جديد لحوارات الأدب والفن وكده.. علشان جو المدونة دي مش ماشي مع الادب خالص..المهم عملتها اخيرا امبارح بس بعد قرف..اسبوعين بحاول فيها..
لو حد ليه في الحوارات دي يبقى يزورني هناك
حورس
بس الحمدلله...لازلنا شعب بيتاوي ..
ونشكر أنكل بيتا على تعاونه معنا.
*************
تحديث:
جاية انشر الموضوع ده، تقريبا بيتا عرفت اني بشتم فيهم..راح الموضوع اتنشر في اللامعقوليزم لوحدها..ربنا يستر علينا من غضب البيتا
Subscribe to:
Post Comments (Atom)
13 comments:
انا حصل معايا نفس الموقفبس مقعدش كتير ورجع اتظبط لوحدة
انا بقي لا يمكن اتنازل عن بلوجر ومش ناوية اروح لبيتا
خليها كدة لوحدها ومحدش هيعبرها
حسبنا الله ونعم الوكيل
ده بيتا متعب جدا جدا
تحس انه عفريت طلع مرة واحدة على المدونة
ياااه ، دا أنا لسه محول لبيتا امبارح !
يا ترى حايحصل ايه للمدونة بتاعتي ؟ صحيح أنا مش كاتب فيها حاجة بس برضه مشكلة.
على رأي عادل امام في شاهد ما شافش حاجة : أنا خايف لا يسحبوا العدة ، مع أن أنا ما عنديش تليفون أصلا
:-)
آدي آخرة الزن ع الودان
و آدي آخرة اللي يتنازل عن بلوجره وياخد بيتا
وعلى رأي المثل الشهير
من خرج من بلوجره..بيتا تبهدله
يا بنيتي
ماهو من خرج من بيته لبيتا اتقل مقداره
سلمي براحه عليا انا قربت اموت منك
ايه يابنتي اهدي شوية .. انا كل ما اخش عندي احس انه هيوغمن عليا من كتر الضحك
علي فكرة بقي بيتا اتكل علي الله خلاص وانتحر
واتعمل بلوج جديد انفنيت فيرجن
ولما تيجي تعملي ساين اب في موقع البلوج نفسه هتلاقي يقولك نيو ولا اولد
وانا انضحك عليا برده وعملت النيو يا ستي
بس بصراحه لحد دلوقتي هو قشطة
على فكرة ده شكلة الموضوع اتعكس معايا
هههههههههههه
ربنا يجعل كلامنا خفيف ع البيتا
ما تأخذهاش يا اسياد اصلها ماتعرفش
بس ما تهدى كده
انتى هتشتتينا بين البلوجات ليه
كل شوية هو بقى تعملى بلوج جديد
سلمى
نصيحه اخوية
صفّى نيتك و البيتا هيحبك
:)
القمحاوي
طب كويس انه اتظبط لوحده، انت محظوظ وأكيد عمو بيتا راضي عنك
**************************
smraa alnil
أنا من أول ما شفتك قلت هي دي فتاة المواقف الثورية..احنا وراكي يا سمرا
*******************
pegasuselmasry
اه والله يا بيجاسوس ربنا يجعل كلامنا خفيف عليهم يا أخويا.
معاذ رياض
ههههههههه
يا ابني متكتب حاجة في المدونة بدال ما انت سايبها قرعة كده..
أول ما تكتب هبقى أنا أول واحدة ارد
**************
ملَكة
عندك حق يا أختشي والله..
بس انت عارفة ان الزن على الودان أقوى من السحر
وبمناسبة قاعدة الأمثال الشعبية
ان كانت العمايم...ولا بلاش
:)
**************
Yasser
معانا على خط الأمثال الشعبية انت.
عموما يا أستاذ ياسر ، بيتا أو غيرها مستنين كلام جديد في مدونتك.
ادم المصري
بعد الشر عليك من الموت يا كبير
معلش يعني انا فهمي على قدي ، ايه الانفنيت فيرجين دي؟ من أنهي صيدلية يعني يا أخويا؟
بص هو ماشي معاك قشطة لغاية دلوقتي علشان شكله بيخاف منك.. أنا بقى غلبانة وبيستقوى عليا
****************
elkamhawi
يعني ايه
******************
أنـــا حـــــــــرة
تعرفي هو يمكن موضوع نية فعلا..
بما ان نيتي مش صافية وأغلب الوقت ببقى قاعدة على الكمبيوتر بحجة اني بنزل نوتس للكلية وانا طبعا بهيس..
طب نصفي النية ونشوف كده.
تدوينك جميل جدا وانا اول مره ازور موقعك لكن عجبنى تدوينك جدا ياريت تشرفينى فى مدونتى
Post a Comment