موت حد قريب منك بيوجع جدا..
لكن موت حد تعرفه ومش قريب يمكن يوجع أكتر..
الندم ان كان قدامك فرصة انك تعرفه أكتر لكن محصلش..يمكن علشان كسلت، يمكن مكنتش شجاع بالقدر الكافي ، يمكن حسيت انك مش محتاج انك تعرفه.
لكن لما يموت بتعرف ان ده كان غلط ..كان لازم تكون أشجع ، كان لازم تنتهز الكذا فرصة اللي كانوا قدامك وضيعتهم بلا مبالاة غريبة قوي.
انت لسا ندمان ..رغم كده، لسا معرفتش كل اللي انت عايز تعرفهم، لسا بتضيع كل الفرص اللي قدامك
ولسا هتندم..هتندم كتير
Subscribe to:
Post Comments (Atom)
17 comments:
كلامك حلو ..وعلى فكرة انا بحترم اى حد بيسمع للكينج منير
جميل , و آه يا قلبي
عسولة يا سلمى مش عارفة ليه حاسة اني اعرفك
يمكن كنا في مدرسة واحدة؟
انتي ليكي اخت اسمها غادة؟
الموت هو الحقيقة الوحيدة اللي دايما بتربطنا بالارض و بتهزنا علشان نفوق
او
نتحت
كل واحد حسب ظروفه
:)
عجبني بوست المنديل انت عسولة قوي
و مدونتك كلها لذيذة
الي الامام
تعرفى الأصعب أن يموت واحد زميلك فى الشعل من سنك بتبقى مش مصدق وحاسس انه حيدخل عليك فلى أى وفت
أحيانا بتحس أنك مش زعلان عليه لوحده ..أنت زعلان على نفسك كمان
سلمى
الندم هو تانى غلطة يقترفها الانسان
أنا حسيت الاحساس ده لما عمى اتوفى
مش هقولك انى صلحت موقفى مع باقى الناس اللى انا مقصرة معاهم
لكن الحقى وانتى ساكنك الاحساس ده
غيرى نفسك لو عرفتى
لماذا نضيع أعمارنا في الندم على أشياء لم نفعلها؟؟ا
لماذا لا نفعل ما نريد أن نفعله
الآن ؟؟!ا
لماذا نندم على اللبن المسكوب؟؟
وهل الذهاب الى الاخرة شىء سىء لابد من الحزن عليه بالعكس لو الانسان مؤمن وتقى يبقى ربنا كرمه انه اخده ولو استغفر الله عظيم عصى ربنا يبقى ربنا يسامحه ويغفرله المهم فراق الصصديق او الحبيب او الاخ ليس فراق مادى فقط بل انه فراق روحى ايوا روحى و100 روحى كمان احنا دايما حاسين بأنى مثلا والدى جنبى ووالدتى جنبى صديقى جنبى كل هذه الاشياء تبث الراحة فى نفس الانسان ولكن عندا يذهب احد منهم الى الذى بعثه فى هذه الدنيا نحزن لفراقه ويارب اعفو عن واغفر لن وارحمنا انتا موالنا فانصرنا على القوم الكافرين
============================
سورى انى طولت شوية يا سلمى فى التعليق
سورى انى اكلمت لغة عاية على فصحى كوكتيل يعنى
سورى انى نسيت اهنئك على مدونتك لأنى اول مرة ادخلها بصراحة ومجهود جميل منك
سورى اتأخرت ولازم امشى
سورى قصدى تحياتى
اختى العزيزه سلمى فى ناس بيندوموا فعلا على انهم متعرفوش على حد قبل اما يتوفى وفى ناس تانيه بقى بتبقى خايفه تتعرف على اشخاص او تتعلق بيهم فيجى اليوم اللى تخسرهم فيه عن طريق الموت علان كده بيحسوا بالوحده اوى رغم ان كل اللى حواليهم بيحبوهم اوى لكن هم رافضين الحب ده من مبدا انه كده كده هيجى يوم وحد هيموت يبقى ليه نتعلق بيهم من اساسه
على فكره مدونتك اسمها بيدل على مضمونهااوى و يا ريت تسمحى لى اتابع مدونتك باستمرار
http://whoamie.blogspot.com
Khaled Khalil
البقاء لله يا خالد..
ربنا يجعلها اخر الاحزان.
واسفة اني قلبت عليك المواجع..بس المواجع موجودة دايما
elkamhawi
سعيدة ان كلامي عجبك..وسعيدة بزيارتك
محمود عزت
نور باشا..والله المدونة منورة
ابقى كررها
بتندم ع العزيز لأنك مديتلوش حقه من المشاعر اللي يستحقها .. و زي ما حليم بيقول " العمر شوية عليه " .. و بنندم على عدم المعرفة لو حصل فراق مش لازم موت يعني ..
و ده بقى يحصل لي .. مثلا صحابي اللي باشوفهم كل فين و فين يتقابلوا و ميكونش عندي فرصة أروح .. و تكون دي أخر مرة نتقابل فيها قبل زحمة الحياة اللي غلبت زحمة المواصلات ..
لازم الواحد يعيش اللحظة من غير تهور قبل فوات الأوان
محبتي يا سلمى
كلبوزة لكن سمباتيك
يه الكلام الجامد ده..انا ودني ممكن يتعمل عليها شاي دلوقتي :)
للأسف احنا متعرفناش شخصيا،ومليش اخوات بنات ، بس الواضح ان انت مألوفة للجميع برضه..نوع من الحميمية في كل كلامك.
طون الموت هو الحقيقة..ليه منخيش الحياة برضه هي الحقيقة، نوع من التفاؤل مش هيضر..بس للأسف، ساعات مبيكونش عندنا ترف التفاؤل.
سعيدة ان عجبتك مدونتي..يا رب أشوك على طول هنا بقى
وجع دماغ
حد قدك..بيحسسك ان الموضوع مش بعيد
بتخاف تموت وانت لسا معشتش
البقاء لله
أنـــا حـــــــــرة
أديكي انت قلتيها يا ياسمين
المهم نعرف نتغير
ادعيلي أتغير
film69
علشان ساعات مبيكونش في ايدنا غير ان احنا نندم
وعلشان الندم ساعات هو اللي بيبدأ مرحلة جديدة..تقف وتندم يمكن المستقبل يبقى أحسن
كازانوفا
طبعا انا مؤمنة بربنا وان الموت حق على كل انسان..لكن متقدرش تنكر ان ده بيفضل يوجعنا.
وكل السوريهات دي ملهاش لازمة يا عم..المدونة مدونتك..أنا الي مفروض اشكرك على المساعدات
ahmed hassan
صحيح اللى بتتكلم عليه هما حاجتين متضادين تماما، والاتنين بيضروا الانسان.
أنا عايزة أعلق على الموضوع التني، ان الواحد يخاف يحب الناس علشان ميخسرهمش..أنا قابلت كذا حد بيؤمن بكده، لكن أنا شايفة ده مجرد جبن مرضي، لكن الواحد ممكن يتغلب عليه لو حاول.والا هيعيش حياته من غير ما يعرف حد فعلا
سعيدة بزيارتك ومستنية تكررها.
BEBO
نقطة مهمة يا ايمان..
ممكن الواحد يندم على رحيل أي حد من غير ما يشبع منه حتى لو كان الرحيل ده مش بالموت.
هو الموت اظع علشان بيقطع عليكي أي فرة انك تعرفي الانسان ده تاني.
منوراني يا ايمي
شقلوطة
ان شاء الله مش هتندمي..كفاية انك ناوية
خدي بالك من نفسك يا ميمو
وكما قال الشاعر العربي : ونندم على العشرة الغالية ونرضى بالمكتوب ، والله آدي حال الدنيا بتفرق في القلوب..
:-)
Post a Comment