Sunday, March 4, 2007

الأصفر وحشني


وأنا في تانية إعدادي سافرنا بلدنا في قنا، ده عادي لكن اللي كان غريب بالنسبة لقرايبا اننا قررنا السفر بالعربية.. لأن بالاضافة لطول الطريق ، كانت وقتها أحداث الكشح قافلة الطريق عند سوهاج، وغير كده مفيش حد بيعرف يسوء عندنا غير بابا ، فهتبقى صعبة انه يسوق المدة الطويلة دي متواصل.
بس لأن الجنان بتاعي وراثي ، فعملنا اللي في دماغنا وقررنا السفر ، انا بقى مكنتش حاطة في دماغي أي مشاكل ، أكتر حاجة كانت عجباني في موضوع الرحلة دي انها معناها اني هعد أسمع موسيقى لمدة طويلة قوي متواصل وانا بتفرج على الطريق الصحراوي .. الطريق كان فعلا رائع .. خصوصا من هنا لأسيوط ، يمكن لأن طول عمري كان بيسحرني الأصفر والجبال وما الى ذلك..
مش عارفة ازاي ساعتها مخطرش في بالي اني اقف وأصور ، يمكن لأن بابا كان هيعتبر ده كلام فارغ ، بس كل ما بفتكر الطريق ده بشتقله قوي ..
بشتاق للون الأصفر مع صوت فيروز اللي كنت بسمعه طول الطريق
قديش كان في ناس
نسم علينا الهوا
سنرجع يوما
لغاية دلوقتي كل أغاني فيروز بتفكرني بالرحلة دي.. حتى الأغاني اللي مكنتش أعرفها ساعتها زي شال والوداع ونطرونا كتير
نفسي أسافر قنا تاني بقى

25 comments:

شقلوطة said...

أول بوست..يا سعدى
تعرفى يا سلمى..أنا السفر عندى متعته مش بس فى إنى هاروح مكان تانى..أو مكان جديد..لأ ..أحلى حاجة هو الطريق..و اللون الأصفر زى ما بتقولى ..و ساعات اللون الأخضر كمان
و ياااسلام لو كان أزرق..فعلا الطريق ده متعة تانية..لما بتنفصلى عن الكرسى اللى قدام ..اللى هو بابا و ماما..و تعيشى ورا فى دنيا تانية ..أغانى و كتب و سرحان و أفكار ..أجمل و أنقى الأفكار بتيجى فى طريق السفر ده بالنسبة لى ..
.
بجد بوست جميل..فكرنى بحاجات حلوة كده
أنا كمان الأصفر وحشنى ..مع صوت فيروز أو أنغام ..أو حتى حماقى
.
بوسة ليكى

متغيرة شوية said...

شقلوطتي


بحب أشوف ردك أول رد
فاهماني قوي انت
لكن بصراحة انت محظوظة انك بتعري تقي وانت مسافرة، أنا للأسف مقدرش اقرافي العربية
فبتبقى الموسيقى والطريق..ويمكن كمان شوية أفكار من دماغي بعمل بيهم ق أحكيها لنفسي:)

raspoutine said...

دعوة عامه لكل المدونين المصريين لحضور اللقاء الثالث الذى تحدد موعده من قبل المشرفين عليه والمؤسيسن له


وذلك يوم


الجمعه الموافق 9/3/2007


بدار الاوبرا المصريه


كوفى شوب الابداع


بجوار دار الابداع بداخل الاوبرا


والدخول للمكان من البوابه الخلفيه للاوبرا امام النادى الاهلى


والحضور بالملابس الشتوية


واوجه الدعوة خاصة الى الاخوات المدونات

susan said...

اولا: الأغنية الي حطاها بتفكرني بحجات حلوة كتير وبتخليني في احساس صافي ، جميل يا سلمى
ثانيا: المنظر الرائع الي كنتي بتشوفيه خلال الطريق انا كنت متعودة اشوفه دايما وحقيقي انه من احسن المناظر الي تريح العين والقلب معا صفاء دون اي شوائب
انشاء الله تتكرر تاني عشان تيجي تحكلنا تاني

Hannoda said...

أنا زيك.. بحس بمتعة كبييرة في طريق السفر.. و بالذات الصحراوي

ومش إنحياز.. بس الصحراء بتاعتنا فيها جاذبية وإحساس مختلف..

الله على .. إدش كان في ناس


تحياتي

Human said...

ياااااه على اللون الأصفر فكرتني بالذي منضى ...انا كنت عايش في جده ..وتقريبا الطبيعه هناك صحراويه
جبال بكل درجات اللون الأصفر من اول البني لحد الأسود والأحمر
.......
لما جيت هنا وشفت الطرق الزراعية ..الموضوع قلب اخضر بكل درجاته
يالا الطبيعه كله حلوه

عبدالله said...

اللون الاصفر مش دايما جميل بس للصحراء متعه واحساس غريب لا يقاوم

تحياتي

الأباصيرى said...

أنا كانت كليتى فى الصعيد
كنت بسافر دايما بالسوبرجيت عشان أتفرج على الطريق

الطريق بيبقى جميل جدا ساعة الغروب
بتشوفى الرمل أصفر والجبال وهى بتخبى الشمس

كانت مناظر جميلة خسارة أن الواحد مصورهاش

hesterua said...

دايما السفر متعة , ولما بيختلط معاها حاجات من اللى بحبها سواء مزيكا او نوع معين من كتب الجيب او حتى ساندوتشات بنكهة معينة ,,بتفضل فى دماغنا على طول , وبترسم ابتسامة حلوة كل ما تفتكرها , وكل ما نفتكر حاجة منهم بنفتكر الباقى

Memo said...

مش عارفه انا كمان كل اما اسمع فيروز افتكر اللون الاصفر
مش عارفه ليع
تحياتشي

ادم المصري said...

سلمي

بابا كان ايه ؟

ليه ما كملتيش ؟

وليه قولتي كلام فارغ؟

ولا ساعتها ماكنشي عندك كاميراههههه

تحياتي

LionKing™ said...

قنا دول اجدع ناس
:)
وفيروز كمان اجدع ناس :)

دكتور مستكنيس said...

إيه يابنتي الأحاسيس المرهفة دي بجد موضوع السفر ده يجنن خصوصا اما تشغلي كاميرا التأمل اللي في عقلك وتدوسي ريكورد بتلاقي المنظر ده متسيف عندك علي طول والدليل انك فاكراه من تانية اعدادي

الدبور said...

كنت نفسي اشوفك في اللقاء انا من متابعي مدونتك
بس يلا اللي حصل العدد كان كبير وانا اساسا حضرت متاخر فلم اتمكن من التعرف علي الكثير من الحضور
ان شاء الله تتعوض اللقاء اللي جاي

الدبور said...

توضيح بخصوص البوست بتاعي اللي عمل قلق وزعل ناس مني انا بحترمهم وبحبهم
تم توضيح وجهه نظري في بوست منفرد
اقريه وقولي ليا رايك ؟
رايك يهمني

تحياتي
الدبور

mesh2dra said...

السلام عليكم

لازم أصفر بس
هو بصراحة أى منظر طبيعى

ادخلي عندى كمان شوية
وحتلاقي صور تحفة

متغيرة شوية said...

سوزي

كويس والنبي انك معايا ي موضوع الأغنية دي ، علشان بتضايق بقى لما يعدوا يتريقوا
يسمع من بقك ربنا كده واسافر تاني ، هبقى اخدك معايا بقى
هو ليه مفيش ي البروفايل بتاعك لينك المدونة يا بنتي؟ انا داخلاها من أسبوع كده عن طريق البروفايل على ما أذكر..لأني طبعا مش بحفظ لينكات..اتصرفي يا ماما

متغيرة شوية said...

هنودة

فعلا...الصحراء الشرقية جامدة جدا..أحلى من الغربية كمان

الله عليكي انت:)

متغيرة شوية said...

human

يعني ليا الشرف في تزكيريك بال>ي مضى..
فعلا أنا بحب الطبيعة كلها ، بس الأصفر بيبقى ليه مود والأخضر مود والأزرق مود تاني خالص.

متغيرة شوية said...

عبدالله

أي لون ممكن تطلع منه حاجات حلوة لو انت عايز وحاجات وحشة لو مش عايز
زي كل حاجة في الدنيا

متغيرة شوية said...

الأباصيري

طب أنا سافرت مرة ومصورتش ومتضايقة من نفسي ..انت قعدت كام سنة تسافر وبرضه مصورتش ، ده انت تتعدم يا راجل

متغيرة شوية said...

هيستريا

عندك حق .. بيبقى ي اتاق شرطي لحاجات معينة في دماغنا .. الذكريات الحلوة دايما بتفضل

david santos said...

جيد الاسبوع

kiki said...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

Anonymous said...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه
مدونة بعثرة اقلام
بعثرة اقلام