هو كل الشعب عنده بلغم؟
كل يوم وأنا طالعة أو نازلة من سلم المترو لازم أكون محاطة بالناس اللي بتف، كأن الشعب المصري كله عنده بلغم.
وحتى لو كلهم عندهم بلغم، ايه اللي هيضرهم لو اشتروا علبة مناديل ( من ام ربع جنيه مش الكبيرة) علشان يتفوا براحتهم؟
على فكرة منديل واحد ممكن يتفوا فيه خمس مرات ، قول هما بيتفوا عشر مرات في اليوم يعني منديلين في اليوم.يبقى علبة المناديل هتكفيهم 10 ايام.يعني كأنهم صرفوا شلن بس في اليوم علشان يرحوني من تفافتهم.
في حل تاني بقى أرخص وأنضف .. يتفضوا سيادتهم يبلعوا البلغم، ده حتى فيه فيتامينات وبروتينات ( بدال الفاكهة واللحمة) وأهو يتغذوا بالمرة.
الحل بقى اللي مش هيبطل يتف انه يتعاقب بلحس تفافته من على الرصيف.
Subscribe to:
Post Comments (Atom)
8 comments:
الله يقرفهم يا شيخة
حتى ما بيحترموا ان حد معدى
بجد اللى بيعملا كده بحسم ناس قذرة
بغض النظر عن عياهم و للا اى قرف
لكن فعلا الحل بسيط يشتروا مناديل
جتهم القرف ملوا البلد
ايه القرف دا ع الصبح
روحي يا شيخة منك للي كلت دراع جوزها
Khaled Khalil
طب كويس انك قلت التشبيه ده لوحدك..
أنا مرضيتش بصراحة أقوله ، بس انت عندك حق هما زيهم بالظبط..الفرق ان الحيوانات لو دربتهم يصرفوا نفسهم في مكان معين بيلتزموا ..مش زي الناس اللي معندهاش دم
أنـــا حـــــــــرة
جتهم القرف ملوا البلد
وان كنت بظن أحيانا - على رأي بلال فضل- ان دول سكان البلد الأصليين
نمنماية
يا نم نم مش كل الناس في رقتك يا حبي
لازم تكون في ناس زيي علشان يبقى ي توازن:)
في كل مجتمع له عادات وتقاليد
وانا اكتشفت في المجمتع المصري
اشياء مختلفة عن غيرنا
موضوع التفافة
الواحد يكون ماشي في أمان الله
ويسمع
اخخخخخخخخخ تفوووه
وتلاقي حاجة مرت من جنب ودنه
تلاقي
الحيطان عبارة عن لوحات سيرالية من البول الل عليها
تلاقي في المطعم الواحد يخلص اكل
ويسمعك احلى تكريعة
هل هي دي مصر ؟
الله يقرف دول بنى آدمين ... و اللى بيعمل كده قدامى باقولها له بصوت إلى حد ما عالى ( الله يقرفك )
صباح الارف .. قصدي صباح الخير
ايه البوست ده يااوختشي
عامة برضه حاقول جتهم الارف ملوا البلد
انا لو شفت حد بيعمل كده والله بيبقي نفسي ازعقله واشتمه وابهدله بس الحمد لله اخري بابصلهم بصة يعييييييييييي بس .. هو انا حمل خناقات
الله يقرفك عالموضوع المنيل دة
هههههههههههه
موضوع مقرف فعلا ، بس الواقع أشد قرفا . المسألة لا تقف عند التفافة بل كثيرا ما تتطور إلى قضاء الحاجة في الشارع.
بس انت ليه واخداها كده ؟ حاولي تبصي للجانب الإيجابي : الحكومة بتقصر في إنشاء النوافير في البلد واحنا دولة صحراوية والمطر عندنا قليل ، فالمواطنين بيتكرموا بترطيب الشارع من أجسادهم والمفروض نشكرهم ، ونشجعهم على كده .. يعني أي حد معاه كوباية شاي أو ازازة ميه مش عارف يعمل بيها ايه ، يدلقها في الشارع علشان نستفيد بيها كلنا .. مش كده أحسن برضه ؟
Post a Comment