أنا فعلا مش عارفة أنا حاسة ايه
ربما الأحساس الغالب هو الاذبهلال والشلل الكلي والجزئي في اعضاء الاستيعاب في الجسم
أصلا انا مش لاقية حاجة اكتبها ، لأني معملتش حاجة ، لا كنت في المحلة ولا اضربت في عيني ولا سمعت ضرب النار من حواليا في كل حتة
بس أقل حاجة أي حد ممكن يعملها انه يقول لكل الناس
أي حد معرفش اللي حصل في المحلة لازم يعرف ، علشان التعتيم اللي حاصل في الموضوع
لما تقابل زميلك في الكلية أو الشغل أو قرايبك .. اي حد ميعرفش ، من واجبك انك تقوله ، احكيله وخليه يعرف حصل ايه
دي الفيديوهات بتاعة المحلة
ودي بعض المدونات والمواقع اللي عرضت الموضوع
جبهة التهييس الشعبية
ابناء مصر
مدونة الاضراب
ربما الأحساس الغالب هو الاذبهلال والشلل الكلي والجزئي في اعضاء الاستيعاب في الجسم
أصلا انا مش لاقية حاجة اكتبها ، لأني معملتش حاجة ، لا كنت في المحلة ولا اضربت في عيني ولا سمعت ضرب النار من حواليا في كل حتة
بس أقل حاجة أي حد ممكن يعملها انه يقول لكل الناس
أي حد معرفش اللي حصل في المحلة لازم يعرف ، علشان التعتيم اللي حاصل في الموضوع
لما تقابل زميلك في الكلية أو الشغل أو قرايبك .. اي حد ميعرفش ، من واجبك انك تقوله ، احكيله وخليه يعرف حصل ايه
دي الفيديوهات بتاعة المحلة
ودي بعض المدونات والمواقع اللي عرضت الموضوع
جبهة التهييس الشعبية
ابناء مصر
مدونة الاضراب
11 comments:
ايه ده يا سلمي
بتأخدي لينك ابناء مصر بدون استأذان
هرفع عليكي قضيه حقوق ملكيه واكسبها واخليكي تكتبي للركن الادبي قصص قصيره
:)))))
بجد صدمه لن نقدر علي الافاقه منها
يكفي اني اقولك وانا بكلم احمد مراسلنا في المحله قالي انا بموت يا محمد
محمد مفيد
ازيك يا محمد
يا عم احنا بنعملكم دعاية ، مع انكم مش ناقصين يعني
اللهم لا حسد
وبعدين أنا أكيد يشرفني أكتب في ابناء مصر طبعا
بالنسبة للموضوع ، بس يا محمد ، انا لا بعرف أكتب في السياسة ولا أتكلم فيها ، بس بجد لازم اتقهر لما أشوف الناس بتموت ومحدش حتى عرف انهم ماتوا وقرالهم الفاتحة
أعتقد ان اهم حاجة ان كل انسان في البلد من اسكندرية لأسوان يعرف ايه اللي حصل في المحلة ، ويعرف ان الدور علينا كلنا لو فضلنا ساكتين
ربنا يهدى الحال الدنيا مش ناقصخ حاجة تحزن فعلا
ازيك يابنتى عامله ايه يارب تكونى بخير
هوندا
انت بتقولي فيها
انت يا بنتي عاملة ايه، بقالي زمن مش بسمع عنك حاجة
انا كل مااجى احس بحالة سلام مع النفس افتكر الاضراب و المحلة و اسراء بحس بحزن شديد من جوة و اللى بيزوده انك تحسى انك متكتفة
سلمى موضوع الإضراب دا هز البلد كلها والعالم كله عرف بيه ,, حتى مع محاولات الحكومة انها تغطى دا وتظهر انه كان مجرد لعب عيال وشغل بلطجة
والنيويورك تايمز اتكلمت عنه ومنظمة حقوق الإنسان دلوقتى بتطالب بتقرير للى حصل فى المحلة واستعمال الحكومة للعنف ضد الناس
بس اقولك حاجة
فى يوم الإضراب يوم الأحد والاتنين انا كنت فى طنطا وطنطا جنب المحلة علطول
طنطا كانت هادية جداا هدووء .. زى القاهرة بالظبط يومها ومفيش زحمة ولا تعب فى المواصلات ولا حاجة خالص
بس فعلا الناس اللى حرقت ونهبت فى المحلة مالهمش علاقة بالمتظاهرين .. دوول زى مابيقولو كانو بيصطادو فى الميا العكرة .. عارفة انتى فى وسط الزحمة والضرب والهتافات وماحدش واخد باله من حاجة تلاقى شلة كسرت محل عشان تسرقه او هجمو على ماكينة بنك فاكرين حيكسروها وياخدو الفلوس اللى فيها ويهربو فى الدوشة وماحدش واخد باله
دوول ناس أغبيا .. بس انا شايف ان دا كله غباء فى غباء
الغباء بيولد الغباء والعنف والقهر بيولد غباء أكثر
طول ما الحكومة غبية بالشكل دا .. عايشين هما فى الميغة سرقة وفساد وعلى عينك يا تاجر بكل بجاحة والناس تولع تموت موش مشكلتهم
يبقى يستنو من دا كتير .. الناس ماتقدرش تصبر للآخر .. لازم حتيجي لحظة انفجار .. واللى حصل يوم الأحد دا كان مجرد شرارة صغيرة للى ممكن يحصل فى مصر كلها
............
نسيت اقولك حمدالله عالسلامة ونورتى من تانى.. و ربنا معاكى فى الامتحانات
سلمى
علشان النور يجى ويوصل
لازم يكون فيه تضحيات
وأنا لا أملك غير إنى أدعى لكل الشهدا بالرحمة والجنة
وربنا معانا ف الأيام الجاية
خلاص
دلوقتي بس ممكن نحس بالأمل
ان المصريين اللي حيموتوا بعد النهاردة دمهم مش حيروح هدر
suo
مؤنس
محمد صبحي
مصطفى
بجد مش عارفة اتكلم خالص ، يمكن كمان علشان لسا جايلي دلوقتي جبر زي الزفت :
قامت قوة من المباحث اليوم 15 أبريل.. بمهاجمة مقر دار ملامح للنشر لصاحبه محمد الشرقاوي المحبوس 15 يوم على زمة قضية اضراب 6 ابريل.. وصادروا كل نسخ الرواية المصورة مترو .. ومصادرة جميع العقود المتعلقة بالرواية مدعين ان هناك بلاغ ضد الدار و الرواية لأنها منافية للاداب العامة
وطلبوا كلا من
1-محمد الشرقاوي - صاحب ومدير الدار
2- نيرة الشيخ - المسؤول الاعلامي للدار
3-أحمد سمير - مسئول الحسابات بالدار
4- مجدي الشافعي - مؤلف الرواية
للمثول امام مباحث الاداب اليوم
هذا واجبروا أحمد سمير على توقيع اقرار بان ياتي اليهم بجميع النسخ المتاحة من رواية مترو ..
واخذوا نسخة من كل اصدارات الدار
مش عارفة بجد أقول ايه
دى سفالة الداخلية ياسلمى
وآداب إيه اللى بتخدشها الرواية
هى الداخلية بتحس أصلاً
ربنا يرحمنا
الغباء كل ماله عمال يزيد ويزيد
والغباء فى الآخر بيقابل بغباء مماثل
ربنا يستر عالبلد
Post a Comment