Sunday, December 23, 2007

شوفوني على o


يوم الثلاء القادم 25 يسمبر ان شاء الله
هكون في برنامج مساءك سكر زيادة على O TVالساعة 7 مساء
وده هيكون لمناقشة مجموعتي القصصية خروج
ياريت بقى ابقى أسمع رأيكم في الحلقة

25 comments:

محمود الدوح said...

مش عارف هقدر اتفرج على الحلقة ولا لا
بس ياريت لو حد يقدر يسجلها ونتفرج عليها

يبقى عمل فينا خير

مروة الزارع said...

أول ما دخلت عندك
حسيت انى دخلت عن حد مش عادى
اديبة او اكتر شوية

اوعدك هحاول اشوف الحلقة

نورتى عندى على فكرة جامد

كل سنة وانتى طيبة .. عام جديد سعيد

رئيس جمهوريه نفسى said...

وعد كمان انى احاول اشوف الحلقه ان شاء الله

ياسر خاطر said...

انا عنيا مزغللة اليومين دول بصراحة

حاول تفتكرنى said...

ياخسارة

ملحقناش

بس مش ندمانين لانم معانا فى مدونتك

تحياتي

متغيرة شوية said...

محمود الدوح

هو انا هسجلها فيديو لكن مش هعرف أنزلها على الكمبيوتر
ربنا يسهل

مورني

متغيرة شوية said...

مروة الزارع

ازيك يا جميل
ايه الكلام الجامد ده
والبلوج منور بأهله
وانت طيبة يا حبيبتي

متغيرة شوية said...

رئيس جمهورية نفسي

خلاص يا معلم هستنى رأيك

متغيرة شوية said...

ياسر

مرسي على الخفة

متغيرة شوية said...

حاول تفتكرني

ملحقناش ايه بس

التلات ده مش بكرة لسا ولا ايه!

خمسة فضفضة said...

السلام عليكم ورحمة الله وبركاته

مش اول مره اجي هنا بس اول مره اعلق

هاحاول اتفرج عليها ده لو الدش اتصلح علي بكره ، اصل الشتا اليومين اللي فاتو بوظ الطبق

بس ياريت احطياتي تحاولي تنزليها علي اليوتيوب

كل سنة وانت طيبه

سلام

ياسر خاطر said...

العفو يا حاجة

شمعى أسعد said...

مع انى وصلجى مش دشوى

يعنى من اللى عايشين

على الوصلة ام عشرين جنيه فى الشهر

بس هاتصرف


بالمناسبة

البرنامج اسمه

سكر زيادة

صدفة

ولا عشان انتى هتطلعى فيه

البِـئرُ والظمّأْ said...

شفتك يا سلمى
بجد كنتي عسوله قوي
و بجد اتبسطت قوي اني شفتك و عفتك عن قرب

بالتوفيق يا سالومي



زيزي

basma saghir said...

متهيئلي اني اول واحدة اعلق بعد اللقاء

بصراحة كنتي هايلة وفتحتي نفسي اني اشتري المجموعة واقراها

بس الي عجبني اكتر انك كنتي رابطة الجأش زي مابيقولي..وكنتي طبيعية جدا..عجبتني ردودك..كانت بسيطة جدا وفي نفس الوقت عميقة جدا
اوعدك اني هقرى المجموعة وهاجي اكتب رايي فيها لو تسمحيلي

شقاوة شعب said...

يا خسارة مالحقتهاش وقريت البوست متاخر

يالا قدر الله وما شاء فعل

ان شاء الله تكونى ابدعتى فى الحوار

تحياتى
شيماء

إبـراهيم ... said...

زي ما قلت لك يا سلوووم ، كنتي منورة ، والبنت المذيعةي ياعيني عاملة زي العيال بتوع ثالثة تالت، وألأذ حاجة لما أدركت ده متأخرًا، وقالت لك إن كلامك حلو، وإنها مش عارفة تتكلم ، كان حقتك قومتيها، وقريتي قصتين تلاثـة .....

.
.
مبرووك يا جميـل ، وعقبال كده ما تعملي برنامجك الخاص، ومش عارف إيه و الكلام ده كللله ، وإوعي ، إوعي تنسينااااااااا

سوكــا said...

بت انا حالف وراكي في كل حتة
اتصرفي ونزليها عالنت .. دوري علي حد من صحابك يكون سجلها .. ملييييييييش دعوة اتصرفي
انا زعلت اوي علي فكرة ... مع اني كنت عاملة حسابي وظابطة الموبايل والحركات دي
بس نقول ايه ... ادي اخرة اللي تلات ارباع يومه بره البيت

وحشاني والله حبة كتيييييييير
لسه كنت باكلم ريناد وزعرورة امبارح ماسينجرينا وبنقول ان وحشتنا لمتنا بتاعة زمان

momken said...

الاستاذه / سلمى
الف مبروك المجموعه الققصيه انتى فعلا موهوبه وليكى حضور تابعت البرنامج وقريت بعض القصص فى مجموعتك ولما ارجع مصر هشتريها ان شاء الله

تحياتى

Known as PHYSCO said...

سلمى أنا شفتك خلاص كنتى منورة و قلتلك خلاص رأيى وراآ العيلة الكريمة فيكى و الحمد لله :)
بس انتى فينك من هنا .. و لا هتقولى إن الكلية وخداكى و الكلام الهجص ده ؟

أخف دم said...

ازيك يا سلمى
كا سنة وانتى طيبة ويارب السنة 2008 تبقى أحسن ليك ونشوف المجموعة التانية ان شاء الله
أنا للأسف مشفتش البرنامج بس ان شاء الله لو حاجة حصلت أو فيه أى مناقشة للمجموعة ياريت ابقى قوليلى وان شاء الله هاجى عشان عايز اباركلك وجها لوجه
كل سنة وانتى طيبة تانى

السينيور said...

السلام عليكم

اختي سلمى

للأسف انا جيت متاخر

بس مليش دعوة اتصرفي

انا لازم اشوف الخلقة يعني اشوفها

عندك الحاج يوتيوب او اي حد من ولاد عمه

متعرفيش انا غرت اد ايه وجوايا حقد وغل لكل الناس اللي اتفرجت على الحلقة وانا لا

اتصرفيييييييييييييييي

عااااااااااااااااااااا

صاحب البوابــة said...

تحددالافتتاح لدار الكتب الخاصه بي يوم الخميس القادم - 10 يناير - الساعة 6 مساءا في مكتبه البلد , ندعو الجميع لكي نقص سوياً شريط افتتاح الموقع ونطلق شراره انطلاقه نحو خدمه كل المثقفين والمهتمين بالقراءة

العنوان / مكتبه البلد - ميدان التحرير بوسط البلد - 31 ش محمد محمود أمام الجامعة الأمريكيه

تليفون مكتبه البلد / 27922768

نتمني منكم أن تشاركونا هذه اللحظات والتي لن تنجح إلا بوجودكم

نقطة مية said...

عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم

Abd-Alrahman said...

مش عارف برضة والله هقدر اتفرج عليها ولا لاء
بس باذن الله هحاول

واكيد هتكون حلقة رائعة بدام انتي هتكوني موجودة فيها
بمجهودك الرائع والجميل

ربنا معاكي