Sunday, April 22, 2007

من بلكونات المحروسة


19 comments:

صاحب البوابــة said...

من شرفة تنطق بالكآبة على ما آل اليه حال مصر

يطل منها علم مصر مرفراً في شموخ وعزة

انه ما زال رمزاً لتجدد الأمل

تحياتي

عبدالله said...

هي البلكونه دي لسه مش وقعت
:)
اعتقد دي متسابه بس علشان العلم يفضل موجود
:)))))
صوره جميله شكرا عليها

تحياتي

micheal said...

صوره عبقريه يا سلمي تدفعنا الي الحلم و التمسك ببصيص من الامل
تحياتي لكي

احمد عبد الهادي said...

المبني ده تلااثي جدا ولازم يتحافظ عليه
ده في شوية تفاصيل في الكرانيش جميله وعبقريه

علي فكره انا مشفتش العلم
ولا طبق الدش اللي هوه حاطه
الا هوه حاطتهم ليه

Anonymous said...

دا فين دي؟؟؟
دش كويس لمتابعة العالم بيجري فيه ايه
علم مصر ليه طيب؟؟

Shower-Mirror said...

ياسلاام فكرتينى بمصر و جمالها

و الله و حشتنى

افتكر الصوره دى فى حته فى وسط البلد

يمكن شارع عماد الدين ؟؟

بقالى فتره باجى عندك و اقرا الحاجات القديمه

فضى نفسك شويه و ابقى تعالى

بس اقرى بجد و قوليلى رأيك


تحياتى

إبـراهيم ... said...

يااااا صوركـــ ... يا سلمى
:)


وحشتينا

.
.
فينك ؟

Ahmed EIssa said...

حلوة قوي قوي الصورة دي
بالرغم من كل اللي بيصحل يارب يفضل العلم كدة علي طول مرفوع

SomeOne said...

انا مش شايف حاجة في الصورة غير العلم

؟؟؟

يمكن عشان الباقي انا متعود اشوفه

ياسلمى

ايه الدفرنت في الصورة من وجهة نظرك؟؟

ياسر خاطر said...

انا متعود اشوف اطباق كتير فعادي يعني
وتعود على الاعلام من ايام المدرسة والحوارات القديمة دي فعادي برضو
اما البلكونات بقى فمش محتاجة كلام كل ما امشي مترين الاقيهم

-------
بس اول مرة اشوفهم مع بعض

أبو ضحى said...

فى أكتر من عنصر فى الصورة
أولا: البلكونة مهملة من فترة ليست بالقصيرة و ده شئ واضح جدا..هى طبعا فى عمارة قديمة و ممكن تكون أثرية لو تم الاهتمام بها كأحد شواهد التراث المعمارى

ثانيا: بالرغم من كده نلاحظ الدش المتركب بشكل استفذنى و دفعنى للتساءل: اذا كان أصحاب الشقة قادرين على شراء دش و ديكودر و الاشتراك فى باقات القنوات و غيره، فلم لم يصلحوا البلكونة المتهالكة..ده طبعا شاهد على عصر القبح و الاهتمام بالماديات أكثر من عناصر الجمال من حوالينا..احنا فى عصر يستسهل فيه الناس قضاء أوقات فراغهم أمام الشاشات الملونة و لا يرضون ببذل أقل الجهد لصنع الجمال من حولهم أو حتى صيانته

ثالثا: العلم، ولا أجد له تفسيرا إلا انه يعبر عن أنها فى مصر

تحياتى

Hannoda said...

سلمى... أحكيلك أنا شايفة في الصورة ايه؟؟

طب انت فاضية؟؟

انت حرة.. انت اللي وافقتِ

أنا شايفة فيها واحد تحت بينادي على صاحبه:- علي ي ي ي

وشايفة بنوته بقالها ساعتين مستنياه ييجي ينده عشان واحشها بقاله كام يوم

وشايفة سبت نازل من البلوكنة اللي فوقها لبتاع الجاز اللي بينادي من على الربية الكارو

وشايفة الولد اللي في تجارة وهو باين اللي حاطط العلم .. حطه هنا من يوم ما فازت مصر بكاس أفريقيا

أصل يومها كانت أول مرة يحس بحب مصر كإنه موجه واخده كل مشاعرة فسكتها


شايفة حتة من بلدي بحبها قوي
وسمعت في الصورة أصوات مشتقالها قوي

وشفت ملامح ناس غالية فيها المكرمش و اللي شبابه مشتخبي ورى الفقر

ايه يا سلمى ده.. فتحتيني ليه كده؟؟ يعني كان لازم تقوليلي آه فاضية

صورة دافية رغم الحزن اللي فيها

تحياتي

Yasmine Adel Fouad said...

هى دى مصر او المواطن المصرى
المطحون بس لسه بيكابر و هيكمل
عن قناعة او غباء

عطشان said...

البيت ده بيفكرنى ببيوت وسط البلد و العتبه و كل يوم الناس بتعدى من عليه و مش حاسيين بجمال العلم ... ياريت لو كلنا نرفع العلم فى بلكونتنا زى البلكونه دى

saso said...

عارفه أحلي حاجة في كأس الأمم اياها كانت الأعلام الجديدة
ألوانها لسه صاحية وفوق البيوت وفي العربيات وفي كابات الولاد الصغيرين
وانا باحط العلم في العربية افتكرت ان زمااان كان علم أمريكا ملفوف حوالين الكنبة مكنتش لسه اعرف ده ايه بس كانت عجباني ألوانة
ولما كبرت مفهمتش برضه هو كان ايه اللي جابه هناك وليه مش علم احمر وابيض واسود مكانة

العلم لسه جديد وان كان جنب الكراكيب وجنبه الشعار الرسمي للبلكونات طبق الريسيفر بس المهم انه موجود

علم بيرفرف وزاهي وسط الكراكيب ..حلوة الصورة اللي اترسمت دي
:)

مصطفى الحسيني said...

عايز اقول جميل
بس خايف ليكون صاحب الشقه كان حاطط العلم عشان ماتش مصر وكوديفوار مثلاً

على اى حال أحييكى

ody911 said...

إنتى متغيرة لية ؟؟


فى إيه ؟


أقولك عادى بقة
أودى

smraa alnil said...

انتي عايزة تفهميني ان في ناس عايشين في بلكونة زي دي

علي راي عبد الله
هي موجودة عشان العلم مش يقع

اصل لو البلكونة وقعت العلم هيتنكس

وبعديم دي ناس متطورة حاطة دش عشان تتابع

محمد العدوي said...

دا علم مصر ولا شبهه

داهية لتطلع دي سفارة من سفارات مصر في الخارج ..

مش احسن من كدة كتير واللي مش مصدق يدور ..


واظن اظن يعني قانونا يعني يحظر رفع الاعلام على الابنية الا بتصريح ..

حلى علم مصر . على راسه ريشة يعني ..