بص بصة من فوق
حط نفسك في مكان أعلى من أي حد
في أرض أعلى وأسمى ، بص لهم واضحك على هفواتهم ، على حبهم وكرههم ومشاحانتهم .
هتعرف ازاي تتسامح مع أي قول أو فعل ، هتلاقي نفسك بتشفق على اللي بيكرهك بدال ما تكرهه.
ويوم ما هتعرف تعمل ده ، هتشكر اللي خلاك تفكر كده
حط نفسك في مكان أعلى من أي حد
في أرض أعلى وأسمى ، بص لهم واضحك على هفواتهم ، على حبهم وكرههم ومشاحانتهم .
هتعرف ازاي تتسامح مع أي قول أو فعل ، هتلاقي نفسك بتشفق على اللي بيكرهك بدال ما تكرهه.
ويوم ما هتعرف تعمل ده ، هتشكر اللي خلاك تفكر كده
شكرا انك خليتني أحب نفسي وأحب الدنيا
شكرا انك خليتني أستمتع بكل حاجة صغير في حياتي
شكرا انك خليتني أعيش كل لحظة من غير ما أستنى اللي بعدها، لأن اللي بعدها جاية جاية وبرضه هعيشها وأحبها
شكرا انك دايما موجود علشاني
23 comments:
شكرا لكي علشان خليتين أبص من فوق ، فوق قوي
قوي
أعلى من أي حد ..
بس فيه ناس بتخاف من الأماكن العالية ، ولازم تحطي لهم تحذير قبل ما يقرأوا البوست لحسن يغمى عليهم أو يقعوا وتنكسر رقبتهم ويبقى انتي السبب
سلمي ...ازيك؟
من فوق..عندك حق
فكرتيني بكلمتين قلتهم لناس صحابي بعد خناقه كبيره
و الغريب اني اديتلهم مثال علي النسر برضه
تحياتي يا فندم
صح الكلام
وأنتى مدعوه لتشاركى فى الحوار
عندى فى المدونة
وعادى بقة
أودى
معاذ
العفو يا باشا ..بس خليك كده على طول
اللي بيخاف من الأماكن العليا يبقى يتحمل الأماكن ( الواطية ) علشان مفيش قدامه اختيار تاني
utopian
ازيك يا عمرو ، منورني والله
توارد أفكار كمان يا فندم
بس على فكرة ده صقر مش نسر..على لعموم كلهم قرايب
منورني
النقاش بدأ يا عم هناك..انت لسا هنا
طول عمرك جامده يا سلمى
فاكرة
برضه جامدة و بالعند
عموما فكرتينى بحكمة بحبها
سلمى كنت هغلس عليكى برد معين كده بس هقولهولك بينى و بينك
بمات انك اونلاين
علشان مش كل مره احرجك
ههههههه
عندك حق
يعني لو لاقيتي حد بيكره اللي حواليه لو بصيتي علي حاله او حاولتي تفهمي هو بيعمل كده ليه ممكن يصعب عليكي
سلاماتي
الإحساس اللي بتتكلمي عنه ده غاااالي قوي.. و سامي جداً
بتحسي انه سهل جداً جداً طول ماهو جواك
وبمنتهى التناقض بتحسيه صعب قوي أول ما تتغربي عنه
يارب يديمه عليك و يكفيكِ شر أي ظرف ممكن يجرك من فوق و يخليكي تندمجي و تفقدي النظرة السامية ده للدنيا
شكرا انك خليتني أستمتع بكل حاجة صغيرة في حياتي
شكرا انك خليتني أعيش كل لحظة من غير ما أستنى اللي بعدها، لأن اللي بعدها جاية جاية وبرضه هعيشها وأحبهاشكرا انك دايما موجود علشاني
أنا بخمن ان الكلمات ده لربنا.. صح كده
احساسك رائع و سـمّع في مناطق عميقة قوي جواي
بجد أشكرك ع الاحساس ده لإنه واحشني
أنا حرة
طبعا فاكرة...أنا طول عمري جامدة بالعند يا حبيبتشي..
بس يعني سؤال يطرح نفسه على رأيك، هو انت متعرفيش تكملي الرد باحترامك ، على طول مسحوبة من لسانك اللي أطول منك ده..
ماشي يا طنط
الحمد لله
في كل وقت
حلوه أوي بجد
والدعوه اننا نبص للناس من منظور مختلف جميله جدا
تحياتي.
بوست جميل جدا
فكرني بالواحد لما يكون في خنافة مثلا
مش بيعرف مين الغلطان
انما لو وقف بعيد بيشوف كل حاجه بوضوح
برضه لو انتي في متاهة مثلا مش حتعرفي تخرجي منها بسهولة
لكن لو بتبصيلها من فوق
حتعرفي تحليها بسهوله
الفكره في ان الواحد يفكر من بره الصندوق
بوست جامد
ودعوة جميلة للتفكير بطريقة مختلفة
ريما
حالة الكره عموما بتيبين الانسان ده قد ايه ضعيف
سعيدة بزيارتك
هنودة
كلامك صحيح تماما الواحد شايف الموضوع سهل علشان عايش التجربة
ان شاء الله هحاول استمر
طبعا أنا بحمد ربنا على كل حاجة حصلتلي في حياتي، وان كان أنا قصدي اني أشكر شخص معين كان جنبي الفترة اللي فاتت وكان سبب اني اغير تفكيري تجاه حاجات كتير قوي
فعلاً المنظر من فوق مختلف كتيرر
وانا عملت بنصيحتك و حالياً واقف فوق الدولاب
ههههههههه
بجد من فوق المنظر احلى بكتير و بيبان للواحد تفاصيل كتير ماكانش شايفها
البوست صغير بس جواه معانى كتير كبيره و جميله
تحياتى من فوق الدولاب
bastokka
الحمدلله دايما
منوراني
اسراء
سعيدة ان البوست عجبك
شكرا على زيارتك
Supernova
الأمثلة اللي ضربتها في صميم الموضوع
يمكن من دواعي قصور الانسان انه عايش على الأرض وبيشوف كل حاجة من تحت
لكن رغم كده ممكن جدا ان الانسان يسمو بنفسه ويشوف من فوق
whyme
ههههههههههههههههههههههه
والله ضحكتني
طب ولتعمل ايه بقى فوق الدولاب ؟ لقيت حاجة تسليك ولا ابعتلك زباين يلاعبوك كوتشينة؟
منورني
انتي عندك حق..اللي يبث من فوق بيعرف ..اد ايه الحاجة واضحة
تظرة بانورامية واسعة للحياة.زده فعلا اللي الواحد محتاجه
تحياتي
فعلا الواحد لازم يترفع عن التفاهات دي اللي بتحصل في حياتنا يوميا وصورة الصقر مناسبه جدا للتدوينه
ازيّك ياسلمى
كان فيه مرة واحد مش مصدق في وجود ربنا قاللي
طب وهوه السمو ده مش بيقطع التواصل بينك وبين الناس اللي على الأرض ؟
وبما انه راجل أكبر مني بعشرين سنة
كان لازم أرد بأدب
فقلتله
التواصل الوحيد اللي بيتقطع هوه اللي أنا نفسي أقطعه أصلاً
......
دلوقتي عرفت اني رديت صح
ميرسي
Post a Comment