بما اني زهقانة
وبما ان الامتحانات لما خلصت حسستني بحالة ملل
وبما اني في الاجازة ببقى مشغولة أكتر حتى من وقت الامتحانات ، وياريت محدش يسألني أنا مشغولة في ايه
بعد بما ان دي كلها لازم يبقى في اذا مش كده؟
ممممممم
اقولكم
اذا كل واحد منكم يفتح الراديو بتاعه يوم التلات الجاي 19 يونيو الساعة 6 العصر ويسمع سلمى صلاح اللى هي متغيرة هانم المصونة ، على اذاعة البرنامج الثقافي fm :91
الاذاعة برضه موجودة على النايل سات اللي مش موجود في مصر بس مش عارفة المحطة بصراحة
المهم يعني اللي مش هيسمع الحلقة هيتعاقب ...ماشي؟
وبما ان الامتحانات لما خلصت حسستني بحالة ملل
وبما اني في الاجازة ببقى مشغولة أكتر حتى من وقت الامتحانات ، وياريت محدش يسألني أنا مشغولة في ايه
بعد بما ان دي كلها لازم يبقى في اذا مش كده؟
ممممممم
اقولكم
اذا كل واحد منكم يفتح الراديو بتاعه يوم التلات الجاي 19 يونيو الساعة 6 العصر ويسمع سلمى صلاح اللى هي متغيرة هانم المصونة ، على اذاعة البرنامج الثقافي fm :91
الاذاعة برضه موجودة على النايل سات اللي مش موجود في مصر بس مش عارفة المحطة بصراحة
المهم يعني اللي مش هيسمع الحلقة هيتعاقب ...ماشي؟
تحديث
البرنامج الثقافي 91.5 على الأف ام ، وعلى راديو النايل سات
program 21
شكرا لمعاذ رياض
34 comments:
إن شاء الله بالتوفيق
كمان أنا مبسوط لأنى أخيرًا
قريتلك بوست جديد
رغم إنى ضد إنك تكتبى بوستات أصلاً
لكن بزعل لما مالاقيش كلام منك على مدونتك
fm هتنور بوجودك يا فندم
أنا عايز حد يفكرني
لأن أصلا مواعيدي نفسها بتفكرها بالعافية !!
البرنامج الثقافي 91.5 على الأف ام ، وعلى راديو النايل سات
program 21
ايه ياعم كمال ضد انها تكتب بوستات لييه
ماتخليها تكتب وخلينا نقراء
بت انتي مشغوله في اييه قوليلي انا تانت شيماء برده
عاوزين ننزلنا يوم كده يابت انتي هتفق مع ابني وابقي اقلك
:-ppp
سلمى
ياريت تسجليها و تنزليها على المدونة لأنى مش هكون فى البيت فى الوقت ده عشان اسمعها
تحياتى
محمد كمال
ازيك يا فندم
هو ده ميعتبرش بوست من أصله..يعني قول فقرة اعلانية :)
على العموم موضوع كتابة البوستات ده اتكلمنا فيه وهنتكلم فيه تاني..
حامد باشا
حمدالله على السلامة..والله بفرحلما بشوفك في بوست عندي حنى لو بتاع الفقرة الاعلانية ده:)
بص بقى..انت تجيب الموبايل وتظبطه على يوم التلات الساعة 6 بحيث يرن ويفكرك
وياريت يومها متكونش نايم العصر علشان متصحاش من النوم مسروع فتكرهني ..ماشي؟
معاذ رياض
مرسي جدا على كل حاجة...
انا زودت الكلام ده تحديث في الموضوع
شوشو
انا هسيبك انت وكمال بقى تمسكوا في بعض مليش دعوة أنا :)
خلاص هبقى أقولك يا شوشو..بس انت اتفقي مع ولادك ورتبي الخروجة وبيقى اخر تمام
قشطة؟
ابو ضحى
يا فندممرسي جدا على اهتمامك
والله انا هسجلها على الكاسيت بس مش عارفة بقى تنزل على الكمبيوتر دي ازاي
على العموم هنبقى نسال أهل العلم بهذا الكائن الخرافي المسمى مجازاكمبيوتر - ونحاول نعملها
وعد مني اسمعك يا سلمي
واستني بقي النقد يا أستاذه
:)
لا يوم الثلاثاء ده كنت في حفله في ساقية الصاوي لذكري الشيخ امام للفنانه عزه بلبع..كانت الحفله رائعه بقي الشيخ امام ولا حتي ان شالله الجن علي الراديو ودي غير طبعا حفلة يوم الخميس الرائعه في نقابة الصحفيين
تحياتي واول مره ازور مدونتك وهي جميله
مينفعش 6وخمسة
وكمان هاتطلعي في الراديو
قبل اي حاجه احييكي على مدونتك الجميله وبقالي نص ساعه عمال اقرافيها ومش قادر اسيبها بجد تحفه
بس انا اصلا كنت جاي عشان انق عليكي زي ما قولتلك عندي عشان بتحقدي على صوري في اسكندريه اقوم اجي الاقيكي كمان هاتطلعي في الراديو ده انا هارزعك عين جامده قوي وياسلام لو اعرف اتصل بيكي في الحلقه اغلس عليكي كمان
تحياتي وبالتوفيق انشاء الله
اكيد الراديو كله هاينور بيكي يا فندم
سلاااااااااااااااام
هاسمع الحلقة ان شاء الله
وهتنور ال FM
والمحطات الارضية يا انسة سلمى
أنا كمان عايزة حد يفكرنى
بس هاعمل ال reminder
هاموت و أسمعك ..أو ممكن أتصل بيكى أفضحك يا سلووووووووووووومتى
...
وحشتينى على فكرة
فى برامج زى
jet audio
بتسجل من الكاسيت على الكمبيوتر و بكده تقدرى تنزليها
ميرسى
تحياتى
محمد مفيد
يا فندم حضرتك على طول مشجعني..
هستنى نقدك
ابن الناصر
ياااااااه ؟
انا مرحتش حفلة يوم التلات لكن رحت حفلة يوم الخميس..فعلا كانت رائعة
ادينا كنا في نفس الحفلة ..شوف الصدف
بس على فكرة البرنامج لسا التلات الجاي..معندكش حجة اهو يا معلم
القمحاوي
طب ممكن أسألك سؤال رزل؟
هتعمل ايه في الخمس دقايق دول؟
على العموم هسمحلك بستة وخمسة ، خلي بالك انت اللي هتخسر خمس دقايق من عظمة التاريخ :)
ابقى اسمعى انتى بقى يا اختى
ورينا الصوت الاوبرالى
:)
اشوفك بكرة
الشنكوتي الكبير
مرسي يا فندم على الكلام الكلام الجامد ده ، المدونة بتشكرك 5 مرات مش مرة واحدة :)
بس ليه القر يا عم؟ وكمان حاططصورة عين في الديسبلاي..سامحني على موضوع اسكندرية انا زي اختك الصغيرة برضه
ياريت الحلقة كانت على الهوا علشان تتصل وتغلس ، لكن هي للأسف مسجلة
متنساش تسمع بقى
الغزالي
نورك يا فندم..
الراديو هينور بيك
شقلوطتييييي
انت واحشاني اكتر يا قمر
انت بالذات مش هعاقبك لو مسمعتيش علشان عارفة ان هيبقى عندكامتحان تاني يوم ...بس تسمعي برضه:)
وفكري بقى هنخرج نروح فين لما تخلصي
ابو ضحى
مرسي يا معلم
هو جت اوديو عندي بس مش بعرف أستعمله بصراحة
على العمومغالبا هخلي حد من الشباب الفذ ياخد الشريط ويعملهولي ان شاء الله
أنا حرة
اه يا رب افتكر انا بعد ده كله واسمع:)
وبعدين احنا مش قلنا موضوع الاوبرالي ده ميطلعش برة:) ماشي يا سمسم
ان شاء الله بكرة هيبقى جامد
لما نشوف هترفعى راسنا و لاهتوكسينا ... خلى بالك انا ممكن و انا باسمعك اعد أقول دى صاحبتى دى صاحبتى (:
حاضر سا سلمى
المهم المضمون
هو الكلام على أيه؟
بيقولوا سايكو
ان شاء الله هرفع راسكم يا ايات
عايزاكي تقعدي العيلة كلها وتتفشخري براحتك
وجع دماغ
هو البرنامج عن الكتاب الشباب ففي لقاء معايا انا وناقد علشان ينقد قصص ليا..
بس كده
اسمع بقى علشان تقولي رأيك
ياريت ياسلمى فعلا تسجليها او اى حد من الشباب يسجلها عشان اللى مش حايقدر يتابع الحلقة لايف يقدر يستمتع بالتسجيل
ألف مبروك على اجازتك
اتمنى أن تستمتعي بها
تحياتي
لولولولوووووولوى حمدلله ع سلامتك ياأسكى باخباراتك الكديده ان شاء الله هحاول اسمع اصل ودانى باظت اليومين دول :)
ليكى عندى تاج يااختى طنشيه بس وانا اغتالك
الاف ام حتنور يا سلمي..أنا ححط الميعاد علي الريميندر بتاع الموبايل عشان الزهايمر
:)
تحياتي لكي و بالتوفيق
Post a Comment