فجر النهاردة قاعدة عاملة نفسي بذاكر وبنت مجتهدة وكده
مرة واحدة
طاخ
الدنيا ضلمت
قلت كويس انها جت منهم ، علشان اخد راحة 10 دقايق
لكن الموضوع طول
ساعة اتنين تلاتة
سبعة
الكهربا رجعت بعد 7 ساعات
خمنت سبب قطع الكهربا؟
كابلات الشارع كلها اتسرقت
واحد جه بعد صلاة الفجر وفتح بوكسات الكهربا وسرق الكابلات
طب وايه الفايدة؟
هيعمل ايه بالكابلات؟
قال بياخدوا النحاس اللي فيها ويبيعوه بالكيلو علشان النحاس غلي
لأ ودي مش اول مرة تحصل في شارعنا
ناهيك عن بقية شوارع الحروسة
مرة واحدة
طاخ
الدنيا ضلمت
قلت كويس انها جت منهم ، علشان اخد راحة 10 دقايق
لكن الموضوع طول
ساعة اتنين تلاتة
سبعة
الكهربا رجعت بعد 7 ساعات
خمنت سبب قطع الكهربا؟
كابلات الشارع كلها اتسرقت
واحد جه بعد صلاة الفجر وفتح بوكسات الكهربا وسرق الكابلات
طب وايه الفايدة؟
هيعمل ايه بالكابلات؟
قال بياخدوا النحاس اللي فيها ويبيعوه بالكيلو علشان النحاس غلي
لأ ودي مش اول مرة تحصل في شارعنا
ناهيك عن بقية شوارع الحروسة
هو الحال وصل لكده؟
41 comments:
صدقينى و اكتر من كده..انتى فاكرة لما وزعوا عربيات النظافة فى الشوارع حصلها ايه..الناس بقوا بياخدوا العجل اللى فيها و فى منهم اللى عملها عربية كارو ملاكى و حاجات كتير من دى
لادلنا بعيدين عن الحضارة ولا دلنا بعيدين عن أن نكون جزء مما كانه أجدادنا القدامى
و بالنسبة للمداكرة أنا بردو بقول انه كويس انها جت منهم..و لا ايه
أنا مبسوط انى أول كومنت
تحياتى
فكرتينى بمرة كده قلت لما اذاكر وصفية .. هى ساعة و الكهربا قطعت فى عمارتنا احنا بس و باقى الحى فضل الله ينور .. يا بنتى العيب مش فى الكهربا العيب فى الناس اللى عايزة تتظاهر انها بتذاكر .. فالدنيا حوالينا لما بتلاقينا هنتظاهر بتبقى عايزة تقولنا ارجعوا لطبيعتكوا أحسن ... و كمان مين اللى أفتى و قال ان الناس بتبيعها و الكلام ده ؟ دى ناس عايزة تسئ للبلد و تقول انا احنا بلد حرامية و فقرا .. مش يمكن اللى عمل كده واحد بيهزر ؟؟ ليه ماحدش فكر فى الاحتمال ده ؟ .. أو فى حالتك يا سلمى يبقى واحد فاعل خير .. بطلوا تطلعوا إشاعات على البلد بقى دى البلد زى الفل يا ظلمة
:S الحمد لله انها وقفت على الكابلات
و الله الناس ما هي لاقية تاكل
وكله بفضل توجيهات سيادته
حاجه تفلق
عادي بقي الناس هتاكل من فين يعني
واحد مش لاقي شغل و قدامه شويه نحاس الناس تذاكر و لا هوا يجيب شويه فلوس يضرب بيهم اي حاجه تعدل الدماغ
:)
اعتقد قانون الارهاب معمول مخصوص للناس دول بقي علشان الحاجات الوحشه الي بيعملوها دي
علي العموم محدش هيقدر يجي جنبه برضه اصله كده قدم استماره عضويه في الحزن الوطني و في روايه اخري الحزب الوثني
تحياتي
:$
والله يابنتى ده اقل حاجه
كويس انهم بيخدو كبلات الكهرباء وبس
ده عندنا بيسرقو غطيان البلاعات
ياعنى وانتى مشيه كده الصبح بدل ماتبصي قدام تمشى تبصى تحت رجلك
لحسن حظك يجي مع بلاعه مفتوحه
ربنا يرحمنا برحمته
وتحياتي ياجميل
و لسه يا سلمي ياما حنشوق..ألجوع كافر و بالتالي حيكون دايما غيه جرايم كتيييير من النوع ده
ربنا يستر
تحياتي لكي
الحال بقى اكتر من كده...
ربنا يتولانا و ياخد الحراميه بقى..انا زهقت
هههههههههههههه..أه يا سلمي ... وصل لكده ولأكتر من كده... واللي يعيش في بلدنا ياما ياما هيشوف...مع بلدنا
مش هتقدر تغمض عينيك
خدي بالك لما قررتي تذاكري حصل إيه؟؟؟؟ ما تكرريهاش تاني لا تصحوا تلاقوا شارعكوا نفسه إتسرق
سلاااااااااامي ليكي
أبو ضحى
أنا سمعت عن عربيات النضافة أكتر من كده ، كانوا البقالين بيسرقوها ويحطوا فيها الاكل اللي بيبيعهولنا!!!
انا كمان مبسوطة انك أول كومنت ، زيارتك بتسعدني دايما
بيقولوا سايكوا
ايه ده ايه ده
هي أيات رجعت تظهر تاني في الأوساط المدوناتية؟يا ويلكم باك
ههههههههههههههههههه
والله ضحكتيني ، هو أكيد فعلا العيب فيا ، طب انا داخلة تاني أعمل نفسي بذاكر دلوقتي ، تفتكري ايه اللي هيحصل المرة دي؟
بصي بقى يا ايات لو مطلعوش بيبيعوها ، يبقى بيشموها ، أي حاجة في مصر دلوقتيبقى ليها استخدامين ، يا اما تتشم يا تتباع
هو احنا صحيح ما سمعناش على كبلات نحاس بتتشم بس اللي يعيش في مصر ياما يشوف.
عبدالرحمن
الحمدلله انها جت على الكابلات ، المرة الجاية هيحفروا يسرقوا المواسير مثلا؟
يا عم متتبطرش .. ربنا يخليلنا توجيهات سيادته وتوجيهات العائلة المقدسة كلها
يعنى انتى مش لاقيه غير وقت الفجر غلشن تذاكرى فيه انا معاكى إن الوقت حلو بس حظك كده.... وتلائيكى كنتى فرحانه انه اتقطع علشان تقومى تنامى
يعنى مش كفايه ان الحراميه عملوا فيكى جميلة علشان ماتذاكريش كمان هتعملى فيها عم المصلح الاجتماعى
صحيح زى القطط ياكلوا و ينكروا
عموما هى وصلت لاكتر من كده
انتى بس ركزى و هتاخدى بالك
واحشانى يا ندله
واكتر من كده يا سلمي
انت في مصر يا عزيزتي
والنبي تبقي تبعتي لي عنوان منطقتكو
علشان اجيب الشله ونسرق لنا كبل
.
.
.
.
اصل الحكومه كده يبقي مظبطه مع الجماعه الحراميه
واخده بالك
حاميها.
.
.
.
بلاش علشان الرقابه
طب ياريت تيجي علي اد الكهربا
ميبقاش التليفون والنت و ......... و
كمان
اهو الوحد ساعات بيحب يقعد شوية في الضلمه
وبعدين انتي لسه لحد دلؤتي مش عارف ان هوه ده فعلا حالانا
مرحبا بيكي في مصر
عبدالله
لأ طبعا يعدل دماغه أهم من المذاكرة ، مذاكرة ايه وكلية ايه يا راجل
وبعدين مدام هو من الحزب والوثني وأنا من الناس ال وحشين يبقى هو سيدي وتاج راسي كمان
أنا أقدر اتكلم
محض روح
طب النحاس وبيبيعوه بالكيلو غطيان البلاعات بيعملوا بيها ايه ؟ هي مش معمولة من الخرسانة برضه؟
مايكل
الجوع كافر فعلا..ودي بلد جعنانين
عارف الموضوع بيفكرني بزمان ي مصر لما اتسرق حمار الوالي واتاكل ، قبضوا على اللي سرق وشنقوه لكن جثته برضه اتسرقت علشان تتاكل
الجوع بيعمل اي حاجة.
المشكلة ان ايامها مكنش في بانجو
ارتعاشات
زهقت على طول كده..استحمل يا ابني ..لسا فاضل كتييييييير
ريري
هههههههههههههههههههه
والنبي يا حبيبتي علشان خار عيونك مش هتتكرر تاني..
احن يسرقوا الشارع وانا فيه وميأكلونيش ولا حاجة.. تبقى كارثة.
عطشان
انت اللي فاقسني..
طبعا أهم حاجة أنام.
ايوة كده تفاعل يا ولد يا مدون:)
انا حرة
واحشاني جدا جدا والله
انت فينك مش ظاهرة خالص ، وأنا تليفوني مش بيتصل
عايزة أشوفك ها؟
هو الكلام ده هزار مش كده
؟؟؟؟؟
ثانيا: هو انت طلعتي من اللي بيذاكروو
ربنا معاكي ومعانا كلنا ونخلص بقى
سلاماتي و احتراماتي
واكثر من كدة
عارفة قريت من يومين ان عصابة متخصصة فى سرقة الحديد من المبانى وبيعة
راحت مبنى حكومى وهات ياكسير فى الكمر بتاع الدور الارضى ام المبنى واقع عليهم
وطبعا اتقبض عليهم لكن مينين
oh my god!! what a shame....
ma3lesh yabenty asl el ma7roosa mab2etsh ma7roosa..
by the way, nseet a2olek ana bamoot fel song deh :)
انتي قعدتي منتظرة الكهربا سبع ساعات يا سولي
ايه الاجتهاد ده كله :)؟
هههههههههههههههه
دا عز الطلب .. الكهربا تقطع والواحد بيذاكر ... يبقى خارج نطاق الخدمة مش بمزاجه
وبعدين اذا كان معرفش ايه بيتسرق .. هنيجي على الكابلات ونزعل
مش عمنا الشيخ صالح قال ان مصر فيها 70 مليون حرامي
اشتهرنا اشتهرنا خلاص ...
بلد مدبرين بصحيح
:(
ممكن طلب عايز اعرف عنوانك اية؟واسم الشارع ومكان الكابلات
محمد مفيد
انها مصر يا عبلة
فعلا...
هيثم أبو عقرب؟
تفتكر هي الحكومة
طب ما هما اللي جم ركبوا بدالها من غير كما ياخدوا مننا فلوس؟
بس تعرف ممكن ..اللي بيسرق الموظفين وبعدين تتركب تاني من جيب الدولة
يالا ان بعض الظن اثم.
احمد عبدالهادي
بس يعني الموضوع غريب..تسرق علشان شوية نحاس!!!
شادي فايد
هزار مين يا عم..ده جد الجد كمان
وبعدين انا مش من اللي بيذاكروا..انا من اللي بيعملوا نفسهم بيذاكروا..شايف الفرق:)
تامر نبيل
بمناسبة سرقة المباني بقى، مرة واحد دخل - مش عارفة ازاي- وسرق كل اكر البيبان اللي في العمارة.تقريبا كانت نحاس برضه
والله حاجة تفلق.
نورا النورس الأبيض
مش هي دي المحروسة يا حبي
الا قوليلي انهي أغنية اللي قصدك عليها؟
ايمان الميهي..
أصل النهار طلع بقى وقعدت أتكلم في التليون 3 ساعات متواصل منهم..
اتصرفت برضه
هبة المنشاوي
هي الكهربا قطعت معاها المذاكرة ، لكن متنسيش قطعت التليفزيون والكمبيوتر كمان..ده كان قمة الملل.
القمحاوي
يا عم انت انزل على اي شارع ي مصر وسلك الكابلات
مش هتفرق كتير
Post a Comment